پاک ویسٹ انڈیز سیریز ،سو فیصد شائقین کو سٹیڈیم آنے کی اجازت ملنے کا امکان

لاہور(پاک ترک نیوز) ویسٹ انڈیز سے سیریز کے دوران سو فیصد تماشائیوں کو سٹیڈیم میں آنے کی اجازت ملنے کا امکان ہے ۔
تفصیلات کے مطابق کورونا وائرس سے محفوظ کراچی کے نیشنل سٹیڈیم میں سو فیصد تماشائیوں کو میچ دیکھنے کی اجازت ملنے کا امکان ہے، دوسری جانب پاک وِنڈیز سیریز کے لیے آئی سی سی امپائر علیم ڈار اور احسن رضا سمیت آفیشلز کا بھی اعلان کر دیا گیا ہے۔
یاد رہے کہ ویسٹ انڈیز کا دورہ رواں ماہ شیڈول ہے، پاکستان اور مہمان ٹیم کے درمیان تین ٹی 20 اور پھر تین ون ڈے میچز کی سیریز 13 دسمبر سے کراچی میں شروع ہو گی جس کی تیاریاں ابھی سے تیز ہو گئی ہیں، شہرقائد میں سکیورٹی پلان بھی تیار کر لیا گیا ہے۔