پی سی بی نے انگلینڈ کے دورہ پاکستان کے شیڈول کا اعلان کردیا
لاہور(پاک ترک نیوز) پاکستانی کرکٹ شائقین کیلئے بڑی خوشبخری ،پاکستان کرکٹ بورڈ نے 17برس کے بعد پاکستان کا دورہ کرنیوالی انگلینڈ کرکٹ ٹیم کی میزبانی کا شیڈول جاری کردیا۔ انگلش ٹیم اپنے دورہ کے دوران 7ٹی 20میچز پر مشتمل سیریز کھیلے گی۔ دونوں ٹیموں کے درمیان سریز 20ستمبر سے 2اکتوبر تک کراچی اور لاہور میں کھیلی جائے گی۔
پاکستان کرکٹ بورڈ کے کے جاری کردہ اعلامیے کے مطابق سیریز کے ابتدائی چار میچز نیشنل سٹیڈیم کراچی میں کھیلے جائیں گے، جو 20، 22، 23 اور 25 ستمبر کو شیڈول ہیں جبکہ بقیہ تین میچز 28 ، 30 ستمبر اور 2 اکتوبر کو قذافی اسٹیڈیم لاہور میں کھیلے جائیں گے، تمام میچز پاکستانی وقت کے مطابق شام 7:30 بجے شروع ہوں گے۔
دونوں سائیڈز تین ٹیسٹ میچز پر مشتمل سیریز کھیلنےکے لیے دوبارہ دسمبر میں مدمقابل آئیں گی۔
ڈائریکٹر انٹرنیشنل پاکستان کرکٹ بورڈ ذاکر خان نے کہا کہ پاکستان کے مصروف ہوم انٹرنیشنل سیزن کا آغاز انگلینڈ کرکٹ ٹیم کی کراچی اور لاہور آمد سے ہورہا ہے۔ آئی سی سی مینز ٹی20 ورلڈکپ سے قبل دنیا کی بہترین سائیڈ کے خلاف 7 میچز کی سیریز کھیلنے سے قومی کرکٹ ٹیم کو میگا ایونٹ کی تیاریوں میں مدد ملے گی۔
ذاکر خان کا کہنا ہے کہ پاکستان مارچ/اپریل میں کامیابی سے آسٹریلیا کی میزبانی کرچکا ہے اور وہ 2005 کے بعد پہلی مرتبہ پاکستان کا دورہ کرنے والی انگلینڈ کی میزبانی کے لیے بھی انتظامات مکمل کرلیے گئے ہیں۔
انگلینڈ اینڈ ویلز کرکٹ بورڈ نے انتظامات کا جائزہ لینے کے لیے گزشتہ ماہ پاکستان کا دورہ کرنے والی ریکی ٹیم کے مطمئن ہونے پر ہی دورے کی تصدیق کی ہے۔ امید ہے شائقین کرکٹ دونوں ٹیموں کو سپورٹ کرنے سٹیڈیمز کا رخ کریں گے۔
پاکستان کرکٹ بورڈ کی جانب سے جاری کئے گئے شیڈول کے مطابق 4میچز کی میزبانی کراچی جبکہ تین میچز لاہور کے قذافی سٹیڈیم میں ہوں گے ۔ شیڈول درج ذیل ہے ۔
????️ ???????????????? ???????????? ????????????????????
???? Great news for fans as Pakistan are set to host England after 17 years! ????
Read more: https://t.co/iyz8N2ZEMu#PAKvENG pic.twitter.com/WX0RkoOwWx
— Pakistan Cricket (@TheRealPCB) August 2, 2022
20 ستمبر، پہلا ٹی20 انٹرنیشنل میچ، بمقام کراچی
22 ستمبر، دوسرا ٹی20 انٹرنیشنل میچ، بمقام کراچی
23 ستمبر، تیسرا ٹی20 انٹرنیشنل میچ، بمقام کراچی
25 ستمبر، چوتھا ٹی20 انٹرنیشنل میچ، بمقام کراچی
28 ستمبر، پانچواں ٹی20 انٹرنیشنل میچ، بمقام لاہور
30 ستمبر، چھٹا ٹی20 انٹرنیشنل میچ، بمقام لاہور
02 اکتوبر، ساتواں ٹی20 انٹرنیشنل میچ، بمقام لاہور