پی سی بی ویب سائٹ پر عمران خان کی جگہ شہباز شریف کی تصویر لگا دی گئی

لاہور(پاک ترک نیوز) سابق وزیراعظم عمران خان کی تصویر پی سی بی ویب سائٹ سے ہٹا دی گئی۔پاکستان کرکٹ بورڈ کی ویب سائٹ اور دفتر سے سابق وزیر اعظم عمران خان کی تصویر ہٹادی گئی اور اب ان کی جگہ نئے وزیر اعظم اور پیٹرن ان چیف میاں شہباز شریف کی تصویر آویزاں کردی گئی ہے۔
وزیراعظم شہباز شریف وزارت عظمی کے عہدے کی ذمہ داریاں سنبھالنے کے بعد پاکستان کرکٹ بورڈ کے پیٹرن انچیف بھی بن گئے ہیں۔
2019 کے ترمیمی آئین کے مطابق پی سی بی پیٹرن ان چیف کی صوابدید ہے کہ وہ گورننگ بورڈ کے لیے کوئی دو نام تجویز کرتا ہے جس میں کسی ایک کو پی سی بی کی سربراہی سونپی جاتی ہے۔