ڈالر کی قیمت میں اضافہ ،176روپے سے تجاوز کرگیا

کراچی (پاک ترک نیوز) انٹر بینک میں ڈالر 176 روپے سے تجاوز کرگیا ۔ ڈالر کی قدر میں 42پیسے اضافہ ہوا ۔دوسری جانب اوپن مارکیٹ میں ڈالر ایک روپے 50 پیسے اضافے سے 179روپے 50 پیسے کی بلند ترین سطح پر پہنچ گیا۔
تفصیلات کے مطابق انٹربینک مارکیٹ میں ڈالر ایک روپے 42 پیسے اضافے سے بلند ترین سطح پر پہنچ گیا۔کاروباری ہفتے کے آخری روز ڈالر نیا ریکارڈ قائم کرتے ہوئے 176 روپے 40 پیسے پر فروخت ہوا۔ یاد رہے کہ 12 نومبر کو ڈالر 175 روپے 73 پیسے کی بلندسطح پر گیا تھا۔ گذشتہ روز ڈالر کی قدر میں کمی ریکارڈ کی گئی تھی، انٹر بینک میں روپے کے مقابلے میں ڈالر 6 پیسے کمی کے ساتھ 175 روپے 4 پیسے سے کم ہو کر 174 روپے 98 پیسے پر ٹریڈ ہوا تھا۔