ڈیرن سیمی کو ستارہ پاکستان ایوارڈ سے نوازا گیا
لاہور(پاک ترک نیوز) پشاور زلمی کے سابق کپتان اور کوچ ڈیرن سیمی کو ستارہ پاکستان ایوارڈ سے نواز دیا گیا۔
ڈیرن سیمی نے اپنے ٹوئٹر پر ستارہ پاکستان کا ایوارڈ ملنے کی تصاویر شیئر کیں، ساتھ ہی انہوں نے لکھا کہ یہ میرے لیے قابل فخر لمحہ ہے۔
CONGRATULATIONS Brother @darensammy88 ! Well Deserved Sitara-i-Pakistan !
Your Contribution for Pakistan Cricket Revival will be ✍️ in Golden Words & in our Hearts Forever. #PakistanZindabad https://t.co/i5PoPHhiOO pic.twitter.com/TH6Caygl9Y— Javed Afridi (@JAfridi10) May 30, 2022
پاکستان میں انٹرنیشنل کرکٹ کی بحالی اور خدمات پر حکومت پاکستان نے گزشتہ سال ستارہ پاکستان دینے کا اعلان کیا تھا۔ ستارہ پاکستان کا اعزاز ڈیرن سیمی ان کے شہر میں موصول ہوا، ڈیرن سیمی نے شلوار قمیض زیب تن کرکے ستارہ پاکستان وصول کیا۔
اس موقع پر ڈیرن سیمی نے کہا یہ ستارہ پاکستان میرے لیے بہت بڑا اعزاز ہے اور میں بہت فخر محسوس کر رہا ہوں۔ ڈٰرن سیمی نے ایک بار پھر پاکستان سے محبت کا اظہار کیا اور کہا کہ پاکستان ان کے گھر جیسا ہے۔
پشاور زلمی کے چیئرمین جاوید آفریدی نے ستارہ پاکستان پر ڈیرن سیمی کو مبارک باد دیتے ہوئے کہا کہ پاکستان میں انٹرنیشنل کرکٹ کی بحالی میں ڈیرن سیمی کا کردار سنہری حروفوں میں یاد رکھا جائے گا۔