کراچی ٹیسٹ ،تیسرے روزکھانے کے وقفے تک پاکستان کے 3وکٹ پر 99رنز

کراچی (پاک ترک نیوز) پاکستان اور انگلینڈ کے درمیان جاری تین میچوں کی سیریز کے تیسرے ٹیسٹ میچ میں پاکستان نے انگلینڈ کیخلاف دوسری اننگز میں تیسرے روز کھانے کے وقفے تک 3وکٹ پر 99رنز بنا لئے ۔پاکستان کی مجموعی برتری 49رنز کی ہو گئی ہے۔

کپتان بابراعظم 13جبکہ سعودشکیل 28رنز بنا کر کریز پر موجود ہیں ۔عبداللہ شفیق 26،شان مسعود 24جبکہ اپنا آخری ٹیسٹ کھیلنے والے اظہر علی دوسری اننگز میں بغیر کوئی رن بنائے آئوٹ ہوگئے۔
انگلینڈ کی جانب سے لیچ نے 3کھلاڑیوں کو آئوٹ کیا۔
یاد رہے کہ پاکستان نے ٹاس جیت کر پہلی بیٹنگ کرتے ہوئے پہلی اننگز میں 304بنائے تھے جس کے جوا ب میں انگلینڈ نے اپنی پہلی اننگز میں 354رنز بنائے تھے۔
تین ٹیسٹ میچوں کی سیریز میں انگلینڈپہلے دو ٹیسٹ میچ جیت کر سیریز اپنے نام کر چکا ہے جبکہ پاکستان کو سیریز میں کلین سوئپ سے بچنے کیلئے میچ جیتنا ہر صورت میں ضروری ہے۔