"کورولوش عثمان” اور ساتھیوں کا چیچنیا میں پرتپاک استقبال
چیچنیا : ترک ڈرامہ "کورولوش عثمان” کے اداکار چیچنیا پہنچ گئے،اداکاروں کودورے کی دعوت چیچنیا کے صدر رمضان قادروف نے دی تھی ،کورلوش عثمان کی ٹیم کا چیچنیا میں شاندار اور پُرتپاک استقبال کیا گیا ،چیچنیا پہنچنے والی ٹیم میں ڈرامے کے پروڈیوسر محمد بوذداغ، ڈائریکٹر متین گونے اور اداکار براق او جاوید شامل ہیں
اس موقع پر ترک ڈرامہ سیریل کورولوش عثمان کے اعزاز میں ایک بڑی تقریب منعقد کی گئی ،چیچنیا کے صدر رمضان قادروف نے روایتی استقبال کیا اور عشائیہ بھی دیامہمانوں کی بڑی تعداد بھی اس موقع پر موجود تھی۔صدر رمضان قادروف کا اس موقع پر کہنا تھا کہ ترک بھائیوں کی میزبانی میرے لئے ایک فخر ہےترک ڈرامہ سیریل کی ٹیم کے اعزاز میں ایک میوزک کنسرٹ بھی ہوا۔ چیچنیا کے فنکاروں نے اپنے فن کا مظاہرہ کیارمضان قادروف نے کہا کہ ترک فنکاروں سے ملنے کے لئے وہ بہت بے تاب تھے۔ چیچنیا کی عوام اپنے ترک بھائیوں کی ایک جھلک دیکھنے کو تڑپ رہے تھے۔
انہوں نے کہا کہ آج چیچنیا میں ایک خاص دن ہے کیونکہ جن ترک فنکاروں کو لوگ ٹی وی پر دیکھتے تھے آج وہ ان کے درمیان موجود ہیںترک فنکاروں نے چیچنیا کے صدر کا شکریہ ادا کیا اور کہا کہ وہ چیچنیا کی مہمان نوازی کے گرویدہ ہو گئے ہیں انہوں نے کہا کہ اس استقبال کو وہ ہمیشہ یاد رکھیں گے کیونکہ چیچنیا کے صدر اور عوام نے ان سے جس محبت کا اظہار کیا ہے وہ کبھی نہیں بھلائی جا سکتی۔
