گال ٹیسٹ ،سری لنکا نے پاکستان کیخلاف رنز کا پہاڑ کھڑا کردیا

کولمبو (پاک ترک نیوز) سری لنکا کے شہر گال میں جاری دوسرے ٹیسٹ میچ میں چوتھے روز سری لنکا کی بیٹنگ جاری ہے ۔ سری لنکا نے پاکستان کیخلاف رنز کا پہاڑ کھڑا کردیا۔ میزبان ٹیم نے 7وکٹوں کے نقصان پر 323رنز بنا لئے ہیں اور اس کی مجموعی برتری 471رنز کی ہو گئی ہے ۔
ڈی سلوا103جبکہ رمیشن مینڈس 16رنز بنا کر کریز پر موجود ہے ۔ کپتان کورونتے نے 61رنز کی دلکش اننگز کھیلی ۔
پاکستان کی جانب سے نسیم شا ہ اور محمد نواز نے دو دو جبکہ یاسر شاہ ،نعمان اور آغا سلمان نے ایک ایک وکٹ حاصل کی ہے۔
اس سے قبل سری لنکا نے اپنی پہلی اننگز میں 378رنز بنائے تھے جس کے جواب میں پاکستانی ٹیم 231رنز بنا کرآئوٹ ہو گئی تھی ۔
یاد رہے کہ دو ٹیسٹ میچوں پر مشتمل سیریز میں پاکستان کو سری لنکا پر ایک صفر کی ناقابل شکست برتری حاصل ہے۔