گال ٹیسٹ ، 508رنز کے تعاقب میں 189پرپاکستان کی آدھی ٹیم پویلین واپس لوٹ گئی

کولمبو (پاک ترک نیوز) سری لنکا کے شہر گال میں جاری دوسرے ٹیسٹ میچ میں 508رنز کے ہدف کے تعاقب میں پاکستان کی آدھی ٹیم 189رنز بنا کر پویلین لوٹ چکی ہے ۔

تفصیلات کے مطابق گال کرکٹ سٹیڈیم میں کھیلے جا رہے سری لنکا کے خلاف دوسرے ٹیسٹ کے آخری روز پاکستان کی 508 رنز کے ہدف کے تعاقب میں بیٹنگ جاری ہے اور قومی ٹیم نے 5 وکٹوں کے نقصان پر 189 رنز بنالیے ہیں، قومی ٹیم کے کپتان بابر اعظم 77 رنز بنا کر کریز پر موجود ہیں۔
دن کے آغاز پر پاکستان نے اپنی دوسری اننگز 89 رنز دو کھلاڑی آؤٹ پر شروع کی تو اوپنر امام الحق 46 اور بابر اعظم 26 رنز کے ساتھ وکٹ پر موجود تھے تاہم امام الحق جلد ہی اپنی وکٹ گنوا بیٹھے، 97 کے مجموعی اسکور پر اوپنر 49 رنز بنا کر رمیش مینڈس کا شکار بن گئے۔
دیگر کھلاڑیوں میں محمد رضوان 37، فواد عالم 1 اور آغا سلمان 4 رنز بناکر پویلین لوٹ گئے
سری لنکا کی جانب سے پربت جے سوریا نے 3 جبکہ رمیش مینڈس نے ایک ایک وکٹ حاصل کی۔
سری لنکا نے پہلی اننگز میں 378 رنز اسکور کیے تھے جس کے جواب میں پاکستان اپنی پہلی اننگز میں 231 رنز بنا سکا تھا جبکہ سری لنکا نے اپنی دوسری اننگز 360 رنز 8 کھلاڑی آؤٹ پر ڈکلیئر کرتے ہوئے پاکستان کو 508 رنز کا ہدف دیا تھا۔
یاد رہے کہ قومی کرکٹ ٹیم کو دو ٹیسٹ میچوں کی سیریز میں ایک صفر کی ناقابل شکست برتری حاصل ہے۔