یواے ای میں 500 کسٹمر سروس ایجنٹس کی ضرورت،تنخواہ 2 لاکھ 32 ہزار روپے

دبئی (پاک ترک نیوز) متحدہ عرب امارات میں ایک مشہور ایئرلائن کمپنی کو پانچ سو کسٹمر سروس ایجنٹس کی ضرورت ہے جن کے لیے دبئی میں واک ان انٹرویو ہو رہے ہیں۔

جو امیدوار اس میں دلچسپی رکھتے ہیں ان کے پاس دو سالہ تجربہ ، ہائی سکول سرتیفکیٹ ، انگریزی زبان بولنے اور لکھنے پر دسترس، مائیکروسافٹ کا بنیادی علم، بہترین سیلز سکلز ، پیشہ ورانہ انداز میں ٹیلی فون پر بات چیت اور متاثر کن بول چال ہونے کا سلیقہ ہونا چاہیے جبکہ عربی زبان آنا اضافی خوبی ہوگی۔

ایڈیکو کے زیر اہتمام واک ان انٹرویو گیارہ اکتوبر کو صبح نو سے شام پانچ بجے تک ہالیڈے ان بر دبئی میں ہوں گے۔

انٹرویو کے لیے آنے والے امیدواروں کے پاس اپنی سی وی کی کاپی ، پاسپورٹ سائز کی تصویر اور ایک مکمل سائز کی تصویر ہونی چاہیے۔ منتخب امیدواروں کو تقریباً پانچ ہزار درہم (دو لاکھ بتیس ہزارروپے)ماہانہ تنخواہ ملے گی جبکہ ٹرانسپورٹ کی سہولت بھی دستیاب ہوگی۔ انٹرویو کے لیے آنے والے کورونا کی وجہ سے ایس او پیز پر عملدر آمد کریں اور فیس ماسک اور سماجی فاصلہ برقرار رکھیں۔