بھارت، ٹرین میں آتشزدگی سے 10افراد ہلاک ،20زخمی

نئی دہلی(پاک ترک نیوز) بھارتی ریاست تامل ناڈو میں ٹرین کے ڈبے میں آتشزدگی سے 10 افراد ہلاک ہوگئے۔
بھارتی میڈیا کے مطابق سٹیشن پر ٹرین سے علیحدہ کیے گئے ڈبے میں آگ لگنے کے نتیجے میں 10 افراد ہلاک اور 20 زخمی ہوگئے۔
پولیس ، فائر اور ریسکیو سروسز اور ریلوے کے اسٹاف نے ایک گھنٹے کی جدوجہد کے بعد آگ پرقابو پایا اور لاشوں اور زخمیوں کو ہسپتال منتقل کیا۔ڈبے میں گیس سلنڈر سمگل کیے جارہے تھے جن کے پھٹنے سے آگ لگی۔
متعدد افراد نے آگ لگتے ہی ڈبے سے چھلانگ لگا دی جبکہ کچھ لوگ پہلے ہی ڈبے سے اتر گئے تھے ورنہ جانی نقصان زیادہ ہوتا۔ حادثے کی مزید تحقیقات جاری ہیں ہلاکتوں میں اضافے کا خدشہ ہے۔