کانگو میں طوفانی بارشوں کے باعث مٹی کا تودہ گرنے سے 17افراد ہلاک

منگولیا (پاک ترک نیوز) کانگو میں طوفانی بارشوں کے باعث مٹی کا تودہ گرنے سے 17افراد ہلاک ہو گئے ۔
تفصیلات کے مطابق کانگو کے شمال مغربی جمہوریہ جمہوریہ میں طوفانی بارشوں کے باعث مٹی کے تودے گرنے سے کم از کم 17 افراد ہلاک ہو گئے ہیں۔
حکام کے مطابق امدادی کارکن کیچڑ اور منہدم گھروں کے ملبے کو چھان رہے ہیںجس کے باعث ہلاکتوں میں اضافہ ہو سکتا ہے ۔
سول سوسائٹی کی تنظیم فورسز وائیوز کے صدر میتھیو مول کے مطابق یہ تباہی مونگالا صوبے کے قصبے لیسال میں دریائے کانگو کے کنارے پیش آئی۔ متاثرین ان گھروں میں رہتے تھے جو پہاڑ کے دامن میں بنائے گئے تھے۔
میتھو مول کا مزید کہنا تھا کہ موسلا دھار بارش نے بہت زیادہ نقصان پہنچایا، جس میں لینڈ سلائیڈنگ بھی شامل ہے جس نے کئی مکانات کو نگل لیا۔ان کا کہنا تھا کہ ہلاکتوں کی تداد ابھی عارضی ہے کیونکہ لاشیں ابھی بھی ملبے کے نیچے ہیں۔
گورنر سیزر لمبیا مبانگیسا نے کہا کہ ملبہ ہٹانے اور زندہ بچ جانے والوں کو بچانے کے لیے مشینری کی اشد ضرورت ہے۔ گورنر نے متاثرین کے اہل خانہ سے تعزیت کی اور صوبے بھر میں تین روزہ سوگ کا اعلان کیا۔