ٹی ٹونٹی رینکنگ جاری ،بابر اعظم کی پہلی پوزیشن برقرار
دبئی (پاک ترک نیوز) انٹرنیشنل کرکٹ کونسل نے نئی ٹی ٹونٹی رینکنگ جاری کردی ۔قومی کرکٹ ٹیم کے کپتان بابر اعظم کی پہلی پوزیشن برقرار جبکہ شاہین آفریدی ٹاپ 10بائولرز میں شامل ہو گئے ۔
دوسری جانب آئی سی سی کی جانب سے جاری کردہ اعلامیہ کے مطابق قومی کرکٹ ٹیم کے کپتان بابر اعظم نے پلیئر آف دی منتھ کا اعزاز اپنے نام کر لیا جبکہ فاسٹ باؤلر شاہین آفریدی ٹاپ 10 باؤلرز میں شامل ہو گئے۔
واضح رہے کہ آئی سی سی کی جانب سے پلیئر آف دی منتھ کے لیے نامزدگیوں کا اعلان رواں ماہ کے آغاز پر کیا گیا تھا۔ قومی کرکٹ ٹیم کے کپتان بابر اعظم نے آسٹریلیا کے خلاف کراچی ٹیسٹ میں 196 رنز کی اننگز کھیل کر ٹیسٹ میچ بچایا تھا۔