ایک اوور میں 25 رنز؛ بابراعظم کا ایک اور ریکارڈ

لاہور(پاک ترک نیوز) پاکستان کرکٹ ٹیم کے کپتان بابراعظم نے آئرش بالر بین وائٹ کے ایک اوور میں 25 رنز بناکر آصف علی کو پیچھے چھوڑ دیا۔
آئرلینڈ کیخلاف ڈبلن میں کھیلے گئے تیسرے ٹی20 میچ کے دوران کپتان بابراعظم نے 42 گیندوں پر 5 چھکوں اور 6 چوکوں کی مدد سے 75 رنز کی اننگز کھیلی، پاکستان نے مطلوبہ ہدف محض 17 اوورز میں حاصل کرکے سیریز 1-2 سے اپنے نام کرلی۔
بابراعظم نے آئرش بالر بین وائٹ کے ایک اوور میں 25 رنز جس میں 4 چھکے بھی شامل تھے، وہ ایسا کرنے والے پہلے پاکستانی بلےباز بن گئے ہیں۔
اس سے قبل پاکستان بیٹرز کی جانب سے ایک اوورز میں 4 مواقعوں پر یہ کارنامہ سرانجام دیا گیا ہے۔
بابراعظم بمقابلہ آئرلینڈ 2024 میں 25 رنز، آصف علی بمقابلہ افغانستان 2021 میں 24 رنز، عامر جمال بمقابلہ ہانگ کانگ 2023 میں 24 رنز، خوشدل شاہ بمقابلہ ہانگ کانگ 2022 میں 24 رنز جبکہ محمد رضوان بمقابلہ نمیبیا 2021 میں 24 رنز
یاد رہے کہ قومی ٹیم آئرلینڈ سے سیریز میں کامیابی حاصل کرنے کے بعد انگلینڈ روانہ ہوگی جہاں اُسے 4 ٹی20 میچز پر مشتمل سیریز کھیلنی ہے، اسی دورے کے دوران پاکستان کے ٹی20 ورلڈکپ اسکواڈ کا اعلان بھی ہوگا۔