مسجد الحرام میں رمضان المبارک کے دوران 40ملین لیٹر آب زم زم تقسیم کیا جائیگا
مکہ معظمہ(پاک ترک نیوز) مسجد الحرام میں رمضان المبارک کے دوران 40 ملین لیٹر آب زم زم تقسیم کیا جائے گا۔
مسجدا الحرام میں حرمین شریفین انتظامیہ نے زائرین میں آب زم زم کی تقسیم کے لیے 30 ہزار کولرز کا انتظام کیا ہے۔ مسجد الحرام کے داخلی اور خارجہ صحن میں سنگ مرمر کی سبیلوں سے بھی آب زم زم لیا جا سکے گا۔آب زم زم کی تقسیم کے عمل کی 24 گھنٹے نگرانی کی جائے گی۔
حکام کے مطابق 40 ملین لیٹر آب زم زم کی منظم تقسیم کے لیے ایک ہزار اہلکاروں کے ساتھ روبوٹ ٹیکنالوجی اور80اسمارٹ ٹرالیوں کا بھی استعمال کیا جائے گا۔