زم ایفرو ٹی 10 لیگ میں 8پاکستانی کرکٹرز شرکت کریں گے

لاہور(پاک ترک نیوز) زمبابوے کی زیم ایفر ٹی 10لیگ میں 8پاکستانی کھلاڑی شرکت کریں گے ۔
پاکستان کے سابق فاسٹ بولر محمد عامر نے افتتاحی ایڈیشن کیلئے ڈربن قلندرز کو جوائن کرلیا۔
عامر کے ساتھ ساتھ، قلندرز نے کریگ ارون، آصف علی، طاہر بیگ، ہلٹن کارٹ رائٹ، ٹم سیفرٹ اور طیب عباس جیسے ٹیلنٹ کو بھی شامل کیا ہے۔
شاہنواز دہانی نے ٹورنامنٹ کے لیے ہرارے ہریکینز کے ساتھ معاہدہ کر لیا ہے۔ دی ہریکینز بالی ووڈ اداکار سنجے دت کی مشترکہ ملکیت ہے۔عثمان شنواری اور محمد حفیظ کو جوہانسبرگ بفیلوز نے ڈرافٹ کیا ہے۔
Zim Afro T10 میں چیمپئن شپ کیلئے پانچ ٹیمیں حصہ لیں گی، جن میں ڈربن قلندرز، کیپ ٹاؤن سیمپ آرمی، بلاوایو بریوز، ہرارے ہریکینز اور جوبرگ بفیلوز شامل ہیں۔
آصف علی، محمد عامر، مرزا طاہر بیگ اور طیب عباس ڈربن قلندرز جبکہ شاہنواز دھانی ہرارے ہریکینز،عثمان شنواری اور محمد حفیظ جوہانسبرگ بفیلوز اور محمد عرفان کیپ ٹائون کیلئے میدان میں اتریں گے ۔