پاکستان میں دہشت گردی، کوئٹہ میں بم دھماکہ، 3 افراد جاں بحق

A Pakistani volunteer and a police officer rush an injured person to a hospital in Quetta, Pakistan, Monday, Oct. 24, 2016, after two separate attacks in Pakistan. Gunmen stormed a police training center in the restive southwestern province of Baluchistan Monday, leaving several people wounded, hours after another attack near to Quetta leaving two customs officers dead, authorities said. (AP Photo/Arshad Butt)

پاکستان کے صوبہ بلوچستان کے دارالحکومت کوئٹہ کے ایک نجی ہوٹل کی کار پارکنگ میں دھماکہ ہوا ہے۔ اب تک 3 افراد جاں بحق ہو چکے ہیں، دو کی حالت تشویشناک ہے

کوئٹہ کے زرغون روڈ سرینا چوک پر نجی ہوٹل کی پارکنگ میں دھماکا ہوا ہے۔

اسپتال ذرائع کے مطابق دھماکے کے نتیجے میں 3 افراد جاں بحق اور 11 زخمی ہوگئے۔

زخمیوں کو طبی امداد کیلئے سول اسپتال منتقل کر دیا گیا جبکہ اسپتال ذرائع کے مطابق زخمیوں میں سے 2 کی حالت تشویشناک ہے۔

پولیس کے مطابق دھماکے کے باعث پارکنگ میں کھڑی متعدد گاڑیوں میں آگ لگ گئی جبکہ ابتدائی تحقیقات کے مطابق دھماکا خیز مواد گاڑی میں نصب کیا گیا تھا۔

پولیس اور دیگر قانون نافذ کرنے والے اداروں نے دھماکے کے مقام کو گھیرے میں لے لیا ہے جبکہ جائے وقوعہ سے شواہد اکٹھے کیے جارہے ہیں۔

ذرائع نے بتایا کہ دھماکا اس قدر شدید تھا کہ دور دور تک آواز سنی گئی جبکہ دھواں اٹھتے بھی دیکھا گیا۔