ترک صدر طیب ایردوان 26 اکتوبر کو آذربائیجان پہنچیں گے
انقرہ (پاک ترک نیوز ) ترکی کے صدر رجب طیب اردگان نے افریقہ سے واپسی کے دوران صحافیوں کے سوالات کے جواب دیتے ہوئے کہا کہ میں 26 اکتوبر کو آذربائیجان کا دورہ کروں گااور آزری صدر الہام علیوف کے ساتھ کاراباخ میں فزولی ایئرپورٹ کا افتتاح کروں گا۔
ترک صدر نے بتایا کہ انہوں نے آذربائیجان کے صدر الہام علییوف کے ساتھ اس دورے پر بات چیت کی "ہم نے اپنے بھائی الہام علییوف کے ساتھ بھی اس معاملے پر تبادلہ خیال کیا۔ دورے کے دوران حال ہی میں آزاد ہونے والے شہروں میں ہم ہوائی اڈے اور نئی تعمیر شدہ ہائی ویز کا افتتاح بھی کریں گے ۔ زراعت کے شعبے میں بھی تعاو ن کو دیکھیں گے ۔ترک صدر رجب طیب ایردوان کو دورے کی دعوت آذری صدر الہام علیوف نے دی ہے۔