پاک ویسٹ انڈیز پہلا ٹی ٹونٹی آج کھیلا جائے گا

کراچی (پاک ترک نیوز) پاک ویسٹ انڈیز ٹی ٹونٹی سیریز کا پہلا میچ آج کراچی میں کھیلاجائے گا ۔
پاکستان کے دورے پر موجود مہمان ٹیم آج اپنا پہلا ٹی ٹونٹی میچ کراچی کے نیشنل سٹیڈیم میں کھیلے گی ۔تفصیلات کے مطابق پاکستان ویسٹ انڈیزٹیم کےدرمیان کھیلی جانیوالی سیریزکیلئےتمام تیاریاں مکمل کرلی گئی ہیں۔ آج شام ساڑھے 5 بجے پہلے ٹی ٹوئنٹی میچ کا ٹاس ہوگا جبکہ میچ شام 6بجے کھیلا جائے گا۔
دونوں ٹیموں کےکھلاڑی ایک دوسرے کو ٹف ٹائم دینے کیلئے میدان میں اتریں گے۔ کھلاڑیوں جانب سے پریکٹس کےدوران بالنگ، بیٹنگ اورفیلڈنگ کی بھرپور پریکٹس کی گئی ہے۔
قومی ٹیم کےکپتان بابراعظم کا کہنا تھا کہ نیچرل گیم کھیلنے کی کوشش کریں گے۔ تین ٹی ٹوئنٹی میچز کے بعد ویسٹ انڈیز ون ڈے میچزبھی کھیلےگی۔ویسٹ انڈیز کے تین کھلاڑیوں سمیت ایک سپورٹ اسٹاف کا کورونا ٹیسٹ مثبت آگیا۔ جس کی تصدیق ویسٹ انڈین کرکٹ بورڈ نے کردی ہے۔
ویسٹ انڈین کھلاڑی روسٹن چیز، شیلڈون کوٹریل، کائل مائرز کورونا سے متاثر ہوئے جو ٹی ٹوئنٹی سیریز کیلئے دستیاب نہیں۔کورونا سے متاثر ہونے والے تمام افراد کو آئسولیٹ کردیا گیا ہے۔