نئی ایئر لائن چیم ونگز کی پہلی پرواز آج کراچی لینڈکرے گی

کراچی (پاک ترک نیوز) شام کی نجی ایئر لائن چیم ونگز کی پہلی باقاعدہ پرواز کراچی میں لینڈ کرے گی ۔چیم ونگز کی پرواز دمشق سے آج سوا 2 بجے جناح ٹرمینل پہنچے گی، اور اس میں 150 سے زائد مسافر سوار ہوں گے، پرواز کو سی اے اے کی جانب سے واٹر سیلیوٹ بھی دیا جائے گا۔
تفصیلات کے مطابق ملکی ہوابازی کی صنعت میں نئی ایئرلائن کا اضافہ ہوگیا ہے، اور شام کی نجی ایئرلائن ’چیم ونگز‘ کی پہلی باقاعدہ پرواز آج کراچی ائرپورٹ پر لینڈ کرے گی۔
ذرائع نے بتایا ہے کہ مزید نئی ائرلائنز نے بھی سول ایوی ایشن پاکستان سے فضائی آپریشنزشروع کرنے کی خواہش ظاہر کی ہے، بین الاقوامی ائرلائنز کے اضافے کے سبب پاکستانی مسافروں کومزید بہتر سہولیات میسر آئے گی۔