ٹوبہ ٹیک سنگھ، گیس لیکج کے باعث گھر میں آتشزدگی سے 7افراد جاں بحق

پیر محل(پاک ترک نیوز) پنجاب کے شہر ٹوبہ ٹیک سنگھ میں گیس لیکج کے باعث گھر میں آتشزدگی سے 7افراد جھلس کر جاں بحق جبکہ 4افراد زخمی ہو گئے۔
واقعے بعد ریسکیو ٹیموں کو اطلاع دی گئی جنہوں نے موقع پر پہنچ کر آگ پر قابو پالیا، آگ سے جھلس کر زخمی ہونے والوں کو ابتدائی طبی امداد کے بعد ڈسکہ سول اسپتال منتقل کردیا گیا ہے جب کہ 3 افراد کو تشویشناک حالت کے پیش نظر گوجرانوالہ اسپتال منتقل کردیا گیا ہے۔
تفصیلات کے مطابق پیرمحل کے نواحی علاقے میں ایک انتہائی افسوس ناک واقعہ پیش آیا جہاں گھر میں گیس لیکج کے باعث آگ لگ گئی جس سے جھلس کر 7 افراد جاں بحق اور 4 زخمی ہوگئے۔ریسکیو ذرائع کا کہنا ہے کہ جاں بحق ہونے والوں میں 5 خواتین اور2 بچے بھی شامل ہیں۔