یوکرین کو برطانیہ سے ٹینک شکن ہتھیاروں کی کھیپ موصول

یوکرین کے وزیر دفاع کا کہنا ہے کہ ہتھیار صرف دفاعی مقاصد کے لیے استعمال کیے جائیں گے۔
برطانوی وزیر دفاع بین والیس نے پیر کو کہا کہ ان کا ملک روس کے حملے کے خطرے کے پیش نظر یوکرین کو مزید دفاعی ہتھیار اور فوجی تربیت فراہم کرے گا۔
والیس نے کہا، "ہم نے یوکرین کو ہلکے ٹینک شکن دفاعی ہتھیاروں کے نظام کی فراہمی کا فیصلہ کیا ہے۔”
انہوں نے مزید کہا کہ "برطانوی اہلکاروں کی ایک قلیل تعداد برطانیہ واپس آنے سے پہلے آپریشن آربیٹل کے فریم ورک کے اندر مختصر مدت کے لیے ابتدائی تربیت فراہم کرے گی۔”
حالیہ ہفتوں میں کشیدگی میں شدت دیکھی گئی جس کے بعد روس، یوکرین اور نیٹونے فوجی مشقوں میں تیزی کردیا ہے۔
روسی افواج فروری 2014 میں جزیرہ نما کریمیا میں داخل ہوئیں،اور اسے روس کا باقاعدہ حصہ بنادیا۔ ترکی اور امریکہ کے ساتھ ساتھ اقوام متحدہ کی جنرل اسمبلی اس الحاق کو غیر قانونی تصور کرتی ہے۔

اقوام متحدہ کے مطابق یوکرین کے مشرقی ڈونباس علاقے میں یوکرین کی سرکاری افواج اور روس نواز علیحدگی پسندوں کے درمیان لڑائی میں 2014 سے اب تک 13,000 سے زیادہ افراد ہلاک ہو چکے ہیں۔