آئی ایم ایف کا پروگرام بحالی کیلئے اظہار آمادگی کا خط موصول
اسلام آباد(پاک ترک نیوز) عالمی مالیاتی فنڈ(آئی ایم ایف ) کی جانب سے پاکستان کو پروگرام بحالی کیلئے آمادگی کا خط موصول ہو گیا ۔
تفصیلات کے مطابق آئی ایم ایف کی جانب سے جاری کیا گیا لیٹر آف انٹینٹ پاکستان کو موصول ہوگیا۔
وزارت خزانہ کے ذرائع کے مطابق عالمی مالیاتی ادارے کی جانب سے بھیجے گئے خط پر پاکستان دستخط کرکے واپس روانہ کرے گا، جس کے بعد آئی ایم ایف بورڈ پروگرام کی بحالی کے سلسلے میں اگلی قسط کے اجرا کی منظوری دے گا۔
پاکستان کی جانب سے پروگرام بحالی کی مسلسل کوششوں اور اس معاملے میں آرمی چیف کے مختلف ممالک سے روابط کے بعد قسط ملنے کی امید بڑھتی جا رہی ہے جب کہ اسی دوران ڈالر کی قیمت بھی بتدریج کم ہو رہی ہے۔