قومی فاسٹ بائولر شاہین شاہ آفریدی ری ہیب کیلئے لندن پہنچ گئے

دبئی (پاک ترک نیوز) قومی فاسٹ بائولر شاہین شاہ آفریدی ری ہیب کیلئے دبئی سے لندن پہنچ گئے ہیں۔
فاسٹ بالر کے میڈیکل ایڈوائزری پینل میں ڈاکٹر امتیاز احمد اور ڈاکٹر ظفر اقبال شامل ہیں۔
ابتدائی چیک اپ کے بعد آج ہی سے شاہین آفریدی کا ری ہیب شروع کردیا جائے گا۔ شاہین آفریدی کو پی سی ایل ٹئیر مسل انجری ہے۔فاسٹ بولر سری لنکا میں پہلے ٹیسٹ کے دوران انجری کا شکار ہوئے تھے۔
شاہین آفریدی اپنا ری ہیب لندن میں مکمل کریں گے، امید ظاہر کی جا رہی ہے کہ شاہین آفریدی ٹی ٹوئنٹی ورلڈ کپ سے قبل مکمل فٹ ہو جائیں گے
پاکستان کرکٹ بورڈ نے شاہین آفریدی کا لندن میں ری ہیب مکمل کرانے فیصلہ کیا تھا۔
توقع ہے کہ وہ آئی سی سی مینز ٹی ٹونٹی ورلڈ کپ سے قبل مکمل فٹنس حاصل کر لیں گے۔فاسٹ بولر کی کرکٹ میں واپسی کا فیصلہ پی سی بی میڈیکل ایڈوائزری بورڈ کرے گا۔