ایشیا کپ میں آج کوئی میچ نہیں کھیلا جائے گا ، کل بھارت اور سری لنکا میں جوڑ پڑے گا

دبئی (پاک ترک نیوز) متحدہ عرب امارات میں جاری ایشیا کپ میں آج آرام کا دن ہے ، سپر فور مرحلے میں کل بھارت اور سری لنکا کی ٹیمیں دبئی میں مد مقابل آئیں گی۔
تفصیلات کےمطابق یو اے ای میں جاری ایشیا کپ میں آج کوئی میچ نہیں کھیلا جائے گا کل بھارت اورسری لنکاکی ٹیمیں پنجہ آزمائیں کریں گی بھارت یہ فائنل میں رسائی کیلئے اگلے دونوں میچز جیتنا ضروری ہیں جبکہ سری لنکا اگر میچ جیت جاتا ہے تو وہ فائنل میں جگہ پکی کر سکتا ہے۔
سری لنکا نے سپر فور مرحلے کے پہلے میچ میں افغانستان کو شکست دی تھی ۔ ایونٹ کا فائنل اتوار 11ستمبر کو دبئی میں کھیلا جائے گا۔ پاکستانی وقت کے مطابق میچ شام سات بجے شروع ہو گا۔
یاد رہے گزشتہ روز پاکستان نے بھارت کو پانچ وکٹوں سے شکست دی تھی ۔
پوائنٹس ٹیبل پر سری لنکا اور پاکستان کے دو دو پوائنٹس جبکہ بھارت اور افغانستان کے زیرو زیرو پوائنٹس ہیں ۔