ٹوئٹر کے شیئر ہولڈرز نے ایلون مسک کے 44 بلین ڈالر کے’بائی آؤٹ‘ معاہدے کو منظوری دیدی

واشنگٹن (پاک ترک نیوز) ٹویٹر کے شیئر ہولڈرز نے ٹیسلا کے شریک بانی ایلون مسک کے 44 بلین ڈالر کے’بائی آؤٹ‘ معاہدے کو منظوری دے دی۔ٹیسلا کے باس نے یہ دعویٰ ٹویٹر کی جانب سے ڈیل کو منسوخ کرنے کے بجائے مکمل کرنے پر دائر کیے گئے مقدمے کے جواب میں دائر کیا تھا۔
سماجی رابطے کی ویب سائٹ ٹویٹر کے شیئر ہولڈروں نے جنوبی افریقی کینیڈین امریکی تجربہ کار تاجر، سرمایہ کار اور انجینئر ایلون مسک کے 44 بلین ڈالر کے ’بائی آؤٹ‘ معاہدے کی منظوری دی ہے۔
مائیکرو بلاگنگ کمپنی ٹویٹر اور مسک کے درمیان معاہدے پر قانونی تنازعہ کے معاملے پر ٹیسلا کے سی ای او نے الزام لگایا تھا کہ ٹویٹر نے انہیں اپنے کاروبار کے بارے میں گمراہ کن معلومات فراہم کیں جب انہوں نے 44بلین ڈالر کے معاہدے پر دستخط کیے تھے۔
ٹوئٹر نے منگل کو کہا کہ ابتدائی گنتی سے ظاہر ہوتا ہے کہ شیئر ہولڈرز نے ایلون مسک کی سوشل میڈیا پلیٹ فارم کو 44 بلین ڈالر میں خریدنے کی بولی کی حمایت کی، یہاں تک کہ وہ معاہدے کی خلاف ورزی کرنے کی کوشش کر رہے ہوں۔
یہ تعداد شیئر ہولڈر کی میٹنگ کے دوران سامنے آئی جو صرف چند منٹ تک جاری رہی، جس میں زیادہ تر ووٹ آن لائن ڈالے گئے، ٹوئٹر نے معاہدے کی تکمیل کرنے کے لئے مسک پر مقدمہ دائر کیا ہے اور اس کی سماعت اکتوبر کے لیے مقرر ہے۔
واضح رہے کہ اس سے قبل ٹیسلا کے سی ای او ایلون مسک نے ٹوئٹر پر دھوکہ دہی کا الزام لگایا تھا۔