بھارت اور سائوتھ افریقہ کے درمیان تیسرا ٹی ٹونٹی میچ آج ہو گا

نئی دہلی (پاک ترک نیوز) بھارت اور سائوتھ افریقہ کے درمیان تیسرا اور آخری ٹی ٹونٹی میچ آج کھیلا جائے گا ۔اس سے قبل کھیلے گئے دونوں میچز میں میزبان بھارت نے جیت کر سیریز اپنے نام کر لی تھی۔
تفصیلات کے مطابق بھارت اور سائوتھ افریقہ کی ٹیمیں آج بھارتی شہر اندور میں تیسرے اور آخری ٹی ٹونٹی میچ میں مد مقابل آئیں گی۔ بھارت سیریز پہلے ہی اپنے نام کر چکا ہے ۔
پہلے ٹی ٹونٹی میچ میں بھارت نے سائوتھ افریقہ کو 8وکٹوں سے کامیابی حاصل کی تھی جبکہ دوسرے میچ میں بھارت نے میچ 16رنز سے جیت لیا تھا۔
بھارت اور سائوتھ افریقہ کے درمیان 3ٹی ٹونٹی میچز کی سیریز یہ آخری میچ ہے ۔ اس کے بعد دونوں ٹیمیں تین ایک روزہ میچز بھی کھیلیں گی۔ پہلے میچ 6دوسرا 9جبکہ تیسرا اور آخری ایک روزہ میچ 11اکتوبر کو کھیلا جائے گا۔