ٹی ٹونٹی ورلڈ کپ ،پاکستان اور نیدر لینڈز کے درمیان میچ کل ہو گا

پرتھ(پاک ترک نیوز) پاکستان ٹی ٹونٹی ورلڈ کپ کے سپر 12مرحلے میں نیدر لینڈز کیخلاف میدان میں اترے گی۔
تفصیلات کےمطابق پاکستا ن آسٹریلوی شہر پرتھ میں ٹی ٹونٹی ورلڈ کپ کے سپر 12مرحلے میں اہم میچ میں نیدر لینڈز کیخلاف میدا ن میں اترے گی ۔ قومی ٹیم میگا ایونٹ میں ابھی تک کامیابی حاصل کرنے میںناکام رہی ہے ۔قومی ٹیم میں ایک تبدیلی کا بھی امکان ہے۔نیدر لینڈ کے خلاف میچ میں فخر زمان کو شامل کیے جانے کا امکان ہے اور حیدر علی کو ڈراپ کیا جائے گا۔
قومی ٹیم میں 4 فاسٹ باؤلرز برقرار رکھے جائیں گے جبکہ پاکستان اور نیدر لینڈ میچ پاکستانی وقت کے مطابق دوپہر 12 بجے شروع ہو گا۔
واضح رہے کہ اس سے قبل پاکستان سپر 12 مرحلے میں کھیلے گئے اپنے دونوں میچز بھارت اور زمبابوے سے سنسنی خیز مقابلے کے بعد ہار چکا ہے۔