عمرہ ویزا کی مدت 30سے بڑھا کر 90روز کردی گئی

ریاض(پاک ترک نیوز) سعودی عرب نے عمرہ ویزا کی مدت 30روز سے بڑھا کر 90روز کردی ۔
تفصیلات کے مطابق سعودی وزارت حج و عمرہ کی جانب سے جاری بیان کے کہا گیا ہے کہ عمرہ ویزے کا انتہائی دورانیہ 30 روز سے بڑھا کر 90 روز کردیا گیا ہے۔ ویزے کی مدت سے زائد قیام پر سزا دی جائے گی۔
حکام کا مزید کہنا ہے کہ عمرہ ویزہ پر سعودی عرب آنے مکہ مکرمہ اور مدینہ منورہ سمیت کسی بھی دوسرے شہر کا سفر کرسکیں گے۔
وزارت حج و عمرہ کے مطابق بیرون ملک سے سے آنے والے عمرہ زائرین داخلہ ویزہ فیس ادا کر کے سال میں ایک سے زیادہ مرتبہ عمرہ ویزہ حاصل کرسکیں گے۔