ملکی ایئر پورٹس سے افغان ٹرانزٹ ٹریڈ کی اجازت دینے کا فیصلہ

اسلام آباد(پاک ترک نیوز) ملک کے تمام انٹرنیشنل ائیر پورٹس کے ذریعے سے بھی افغان ٹرانزٹ ٹریڈ کی اجازت دینے کا فیصلہ کیا ہے۔
تفصیلا ت کے مطابق پاکستانی بندرگاہوں کے بعد ایئر پورٹس سے پھر زمینی راستے کے ذریعے افغانستان بھجوانے کیلیے چمن، طورخم اور غلام خان کسٹمز سٹیشنز کیلیے ڈسپیچ ہوگا، ایف بی آر نے فضائی راستے سے آنے والے ٹرانزٹ ٹریڈ کے سامان کی انٹرنیشنل ایئرپورٹس سے کلئیرنگ کا میکنزم متعارف کروانے بھی فیصلہ کیا ہے جس کیلئے کسٹمز رولز2001 میں اہم ترامیم کی جا رہی ہیں۔
فیڈرل بورڈ آف ریونیو نے کسٹمز رولز میں ترامیم کا مسودہ تیار کرکے متعلقہ اسٹیک ہولڈرز کی آراء کیلیے جاری کر دیا ہے اور ان سے کہا گیا ہے کہ 15 دن کے اندر اپنی آراء و تجاویز بھجوائیں۔
مجوزہ ترمیمی کسٹمز رولز میں کہا گیا ہے کہ افغان ٹرانزٹ ٹریڈ کا سامان لانے والی ائیر لائنز کو ائیر بل دینا ہو گا ، صرف اس سامان کی چمن، طورخم اور غلام خان کسٹمز اسٹیشنز تک ڈسپیچ کیلیے کارگو ہو سکے گی۔