پاک بحریہ ،میری ٹائم اوراینٹی ناکوٹکس کی مشترکہ کارروائی ، 3ارب روپے کی منشیات پکڑلی
کراچی (پاک ترک نیوز) پاک بحریہ، پاکستان میری ٹائم سیکیورٹی ایجنسی اور اینٹی نارکوٹکس فورس نے مشترکہ کارروائی کرتے ہوئے سمندری حدود سے تین ارب کی منشیات پکڑ لی
پاک بحریہ، پاکستان میری ٹائم سیکیورٹی ایجنسی اور اینٹی نارکوٹکس فورس کا سمندر میں مشترکہ انسداد منشیات آپریشن کیا ۔آپریشن انٹیلیجنس کی معلومات کی بنیاد پر کیا گیا۔
ترجمان پاک بحریہ کے مطابق ضبط کی جانے والی منشیات کی قیمت تقریبا 3 ارب روپے ہے۔ گرفتار کیے جانے والے اسمگلرز اور ضبط کی جانے والی منشیات کو مزید قانونی کارروائی کیلئے اینٹی نارکاٹک فورس حکام کے سپرد کردیا گیا۔
پاک بحریہ دیگر قانون نافذ کرنے والے اداروں کے ساتھ مل کر ملکی سمندری حدود میں غیر قانونی سرگرمیوں کی روک تھام کیلئے اپنی کاوشیں جاری رکھے گی۔