ایشیا کپ اور افغانستان کیخلاف سیریز کیلئے قومی سکواڈ کا اعلان آج ہو گا
لاہور(پاک ترک نیوز) قومی کرکٹ ٹیم کے چیف سلیکٹر انضمام الحق آج ایشیا کپ اور افغان سیریز کیلئے قومی ٹیم کا اعلان کریں گے ۔
پاکستان کرکٹ بورڈ ترجمان کے مطابق چیف سلیکٹر انضمام الحق آج قذافی سٹیدیم میں اسکواڈ کا اعلان کریں گے۔
قومی ٹیم افغانستان کیخلاف3 ون ڈے میچز 22، 24 اور 26 اگست کو سری لنکا میں کیھلی گئی جس کے ابتدائی دو میچز کی میزبانی دمبولا اور تیسرا میچ کولمبو میں ہوگا۔
افغان سیریز کے فوری بعد پاکستانی ٹیم ایشیاکپ کیلئے 30 اگست اپنی مہم شروع کریگی، افتتاحی میچ میں پاکستان اور نیپال کی ٹیمیں ملتان میں ٹکرائیں گی۔
یاد رہے کہ انضمام الحق کی بطور چیف سلیکٹر تعیناتی کے بعد سلیکشن کمیٹی کا پہلا ٹاسک پاکستان اور افغانستان کے درمیان سری لنکا میں شیڈول سیریز کیلئے ٹیم کاانتخاب ہے اور یہ ہی ٹیم ایشیاکپ کے لیے ہوگی ۔