حماس کی عسکری تنظیم القسام بریگیڈز نے 5 اسرائیلی فوجیوں کی ہلاکت کی ویڈیو جاری کردی

غزہ(پاک ترک نیوز) حماس کی عسکری تنظیم القسام بریگیڈ نے غزہ کی ایک سرنگ میں ’’بوبی ٹریپ دھماکے‘‘ میں 5 اسرائیلی فوجیوں کو ہلاک کردیا اور تصدیق کے لیے ویڈیو بھی جاری کردی۔
حماس کی عسکری تنظیم القسام بریگیڈز نے بہترین جنگی حکمت عملی اپناتے ہوئے بیت حانون میں ایک سرنگ کے دھانے پر اسرائیلی فوجیوں کو اپنے جال ’’بوبی ٹریپ دھماکے‘‘ میں پھنسایا اور جیسے ہی اسرائیلی فوج کا افسر اپنے ساتھیوں سمیت پہنچا دھماکا ہوگیا۔
ویڈیو میں دیکھا جا سکتا ہے کہ اسرائیلی فوجی ایک سرنگ کے دہانے پر پہنچتے ہیں۔ وہ سمجھ رہے تھے کہ اس سرنگ میں یرغمالیوں کو رکھا گیا ہے لیکن جیسے ہی یہ اہلکار سرنگ کے دھماکے پر پہنچے اور سی سی ٹی وی فوٹیجز بند کیا ویسے ہی دھماکا ہوجاتا ہے۔
اس دھماکے میں اسرائیلی فوج کے افسر اور 4 اہلکار موقع پر ہی ہلاک ہوگئے۔ اسرائیلی فوج کے ترجمان پہلے تو اپنے فوجیوں کے ناکام آپریشن میں مارے جانے سے انکاری رہے لیکن القسام کی جانب سے ویڈیو جاری کرنے پر اپنا سا منہ لیکر رہ گئے۔
القسام بریگیڈ نے دعویٰ کیا ہے کہ یہ ویڈیو 10 نومبر کی ایک کارروائی کی ہے۔