بھارت اور آسٹریلیا ورلڈ کپ فائنل معرکہ میں کل مد مقابل

احمد آباد (پاک ترک نیوز) آئی سی سی ورلڈ کپ فائنل معرکہ میں بھارت اور آسٹریلیا کل مد مقابل ہوں گے ۔
تفصیلات کےمطابق بھارتی شہر احمد آباد میں آئی سی سی ورلڈ کپ کا فائنل کل بھارت اور آسٹریلیا کے درمیان کھیلا جائے گا ۔
بھارت نے پہلے سیمی فائنل میں نیوزی لینڈ کو شکست دی تھی جبکہ آسٹریلیا نے سائوتھ افریقہ کو شکست دے کر فائنل میں جگہ پکی کی تھی ۔
بھارت میگا ایونٹ میں اب تک ناقابل شکست ہے اور اس نے سیمی فائنل سمیت تمام میچز میں کامیابی حاصل کی ہے ۔
دوسری جانب آسٹریلیا نے سیمی فائنل سے قبل 9میچز میں سے 7میں کامیابی جبکہ 2میں اسے ناکامی کا منہ دیکھنا پڑا تھا ۔
ورلڈ کپ میں کھیلے گئے میچ میں بھارت نے آسٹریلیا کو شکست سے دوچار کیا تھا ۔آسٹریلیا اب تک 5بار ٹرافی جیت چکا ہے جبکہ بھارت 2بار ٹائٹل جیتنے میں کامیاب ہو ا ہے ۔