مریم اورنگزیب کے دوبارہ ناقابل ضمانت وارنٹ گرفتاری جاری
لاہور(پاک ترک نیوز) انسداد دہشتگردی عدالت نے سابق وفاقی وزیر اطلاعات و مسلم لیگ ن کی رہنما مریم اورنگزیب کے دوبارہ ناقابل ضمانت وارنٹ گرفتاری جاری کر دیئے۔
لاہور کی انسدادِ دہشت گردی عدالت کی جج عبہر گل نے اداروں کے خلاف اشتعال انگیز گفتگو کرنے کے مقدمے میں مسلم لیگ ن کی رہنما مریم اورنگزیب اور جاوید لطیف سمیت دیگر کے خلاف کیس کی سماعت کی۔جاوید لطیف نے عدالت میں پیش ہو کر حاضری مکمل کرائی جبکہ مریم اورنگزیب عدالت کے روبرو پیش نہ ہوئیں۔
عدالت نے مریم اورنگزیب کے ناقابل ضمانت وارنٹ گرفتاری جاری کرتے ہوئے طلب کر لیا، جبکہ میاں جاوید لطیف کے ناقابل ضمانت وارنٹ گرفتاری منسوخ کر دیئے۔
انسداد دہشتگردی عدالت نے لیگی رہنما جاوید لطیف سمیت دیگر کو آئندہ 9 دسمبر کو پیش ہونے کی ہدایت کر دی۔