پرتھ ٹیسٹ، آسٹریلیا کی پراعتماد بلے بازی جاری
پرتھ (پاک ترک نیوز) پاکستان اورآسٹریلیا کے درمیان تین ٹیسٹ میچوں کی سیریز کے پہلے ٹیسٹ میں آسٹریلیا کی پاکستان کیخلاف پراعتماد بلے بازی جاری ہے ۔
تفصیلات کے مطابق آسٹریلیا کےشہر پرتھ میں جاری تین میچوں کی سیریز کے پہلے ٹیسٹ میچ میں آسٹریلیا نے ٹاس جیت کر پہلے بیٹنگ کا فیصلہ کیا ۔
چائے کے وقفے کے بعد آسٹریلیا نے 2وکٹوں کے نقصان پر 222رنز بنا لئے ۔ ڈیوڈ وارنر 116جبکہ سٹیو سمتھ 28رنز بنا کر کریز پر موجود ہیں۔
آسٹریلیا کے پہلے آئوٹ ہونیوالے کھلاڑی عثمان خواجہ تھے جنہوں نے 41رنز بنا ئے تھے اور وہ شاہین شاہ آفریدی کی گیند پر سرفراز احمد کو کیچ تھما بیٹھے ۔لبھوشن 16رنز بنا کر فہیم اشرف کے ہاتھوں ایل بی ڈبلیوبولڈ ہو گئے ۔