پی ایس ایل 9 کا میلہ سجنے کو تیار، پریکٹس سیشن کا آغاز،تیاریاں مکمل

لاہور(پاک ترک نیوز) پاکستان سپر لیگ (پی ایس ایل) 9 کا میلہ سجنے کو تیار ہے ۔ٹیموں کا لاہور میں پڑاو ،پریکٹس سیشن کا آغاز ہو گیا جبکہ پاکستان کرکٹ بورڈ کی جانب سے تمام تیاریاں مکمل کرلی گئیں ۔
مختلف ٹیموں کے پریکٹس سیشنز کا بھی آغاز ہو گیا، آج ایل سی سی اے گراؤنڈ میں پشاور زلمی پریکٹس سیشن میں حصہ لے گی۔
کھلاڑی کوچز کی نگرانی میں بھرپور ٹریننگ کریں گے جبکہ شام سات بجے اسلام آباد یونائیٹڈ کے کھلاڑی پریکٹس سیشنز میں لہو گرمائیں گے۔
یاد رہے کہ ایچ بی ایل پی ایس ایل 9 کا میلہ 17 فروری سے لاہور میں سجے گا، افتتاحی میچ میں دفاعی چیمپیئن لاہور قلندرز اور اسلام آباد یونائیٹڈ مدمقابل ہوں گی۔