ترکیہ کے زلزلوں سے متاثرہ علاقوں کی بحالی کے لئے عالمی بنک کا ایک ارب ڈالر کا پیکیج

استنبول (پاک ترک نیوز)
عالمی بینک نے ترکیہ کے جنوب میں زلزلے سے متاثرہ صوبوں میں بحالی کی کوششوں میں مدد کے لیے 1 بلین ڈالر کی خطیر رقم مختص کی ہے
اس بات کا اعلان ماحولیات، شہریات اور موسمیاتی تبدیلی کے وزیر مہمت اوزہاسیکی نےپیر کے روز جاری ہونے والے بیان میں کیا ہے۔اوزاسیکی نےکہا ہےا کہ یہ قرض زلزلے سے متاثرہ علاقے میں تعمیر نو کے اقدامات کو آگے بڑھانے میں اہم کردار ادا کرے گا۔
684.8 ملین ڈالر کے قرضہ پیکج کا کافی حصہ وزارت کو مختص کیا گیا ہے۔ اوزہاسیکی نے ان فنڈز کی تقسیم کا خاکہ پیش کرتے ہوئے کہا کہ اس میں سے296.5 ملین ڈالرزلزلہ زدہ علاقوں میں دیہی علاقوں میں وزارت کے ہاؤسنگ پراجیکٹس کی طرف بھیجے جائیں گے۔ جب کہ388.3 ملین ڈالر کو البینک کے زلزلہ سے متاثرہ علاقہ کےبنیادی ڈھانچے کے منصوبوںکو منتقل کیا جائے گا۔
وزیر نے تفصیل سے بتایا کہ کس طرح دیہی علاقوں کے لیے مختص قرض کو گاؤں میں ضروری بنیادی ڈھانچے اور سماجی سہولیات کی بحالی کے لیے استعمال کیا جائے گا۔ اس میں پانی اور بارش کے پانی کے نیٹ ورکس کی تجدید، ٹھوس فضلہ کے انتظام کی سہولیات، میونسپل فائر اسٹیشنوں کے ساتھ ساتھ تباہ شدہ ہنگامی ردعمل اور میونسپل آلات شامل ہیں۔مزید برآں، زلزلہ زدہ علاقے میں فائر اینڈ ریسکیو گاڑیاں اور سالڈ ویسٹ اکٹھا کرنے والی گاڑیوں کو بھی اپ گریڈ کیا جائے گا۔