علی رضا عنایتی سعودی عرب میں ایرانی سفیر نامزد
ریاض(پاک ترک نیوز) ایران نے خلیجی امور کے ماہر سفارت کار علی رضا عنایتی کو سعودی عرب میں اپنا سفیر مقرر کر دیا۔
سعودیہ میں سفیر مقرر ہونے والے علی رضا عنایتی ایرانی وزیر خارجہ کے اسسٹنٹ کے طور پر کام کرچکے ہیں، علی رضا ایران کے وزارت خارجہ میں عرب خلیج امور کے ڈائریکٹر جنرل کے طور پر بھی فرائض انجام دے چکے ہیں۔
ایران نے سعودی مملکت کیلئے سفیر کی تقرری کا اعلان اپریل میں چین کی ثالثی میں تہران اور ریاض کے درمیان ہونے والے معاہدے کے نتیجے میں سامنے آیا ہے، معاہدے نے ایران اور سعودی عرب کے درمیان کئی برسوں کی دشمنی کو ختم کر دیا ہے۔