اسرائیلی فورسز کی فائرنگ سے 18سالہ فلسطینی نوجوان شہید

جنین (پاک ترک نیوز) قابض اسرائیلی فورسز کی فائرنگ سے نو عمر فلسطینی نوجوان شہید ہو گیا ۔
تفصیلات کے مطابق مقبوضہ مغربی کنارے کے شمالی شہر جنین کے قریب اسرائیلی فوج نے چھاپے کے دوران ایک فلسطینی نوجوان کو گولی مار کر شہید کر دیا۔
فلسطینی وزارت صحت کا کہنا ہے کہ 18 سالہ نوجوان کو کفر دان قصبے میں گولیاں مار کر شہید کیا گیا۔ رواں ہفتے قابض اسرائیلی فورسز نے 7 نہتے فلسطینیوں کو شہید کیا ہے ۔
اسرائیلی فوجیوں نے متعدد گھروں پر چھاپہ مارا، جس سے فلسطینی باشندوں کے ساتھ تصادم میں صوتی بموں، آنسو گیس کے کنستروں اور گولہ بارود سے فائرنگ کی گئی۔
فلسطینی اسلامی جہاد گروپ نے مقتول کی شناخت عبداللہ ابو حسن کے نام سے کی ہے اور کہا ہے کہ وہ اس کے القدس بریگیڈ کے مسلح ونگ کا مقامی جنگجو تھا۔