پاکستان کیخلاف ٹیسٹ سیریز کیلئے سری لنکن سکواڈ کا اعلان

گال(پاک ترک نیوز) سری لنکن بورڈ نے پاکستان کے خلاف دو ٹیسٹ میچوں کی سیریز سکواڈ کا اعلان کر دیا۔ پاکستان کیخلاف پہلے ٹیسٹ میچ کی قیادت دمتھ کرونا رتنے کریں گے۔
سیریز کا پہلا میچ 16 جولائی بروز اتوار سے سری لنکا کے گال سٹیڈیم میں شروع گا۔سری لنکن ٹیم میں دنیش چندیمل، نشان مدوشکا، کوشال مینڈس، اینجلو میتھیوز، دھننجیا ڈی سلوا اور پتھم نشانکا بھی شامل ہیں۔
رمیش مینڈس سمر اوکرما، کمندو مینڈس، اور پربتھ جے سوریا، پراوین جیا وکرما، کسن رجیتھا، مدوشنکا، وشوا فرنینڈو اور لکشیتا مانا سنگھے بھی اسکواڈ میں شامل ہیں۔
یاد رہے کہ گزشتہ روز سری لنکن کپتان کرونا رتنے ہیمسٹرنگ انجری کا شکار ہوگئے تھے ان کی پہلے ٹیسٹ میں شرکت مشکوک ہے تاہم میڈیکل رپورٹ کے مطابق ان کی میچ میں شمولیت کا فیصلہ کیا جائے گا ۔ان کے ان فٹ ہونے پر نائب کپتان ڈی سلوار قیادت کی ذمہ داریاں نبھائیں گے ۔