ایشیا کپ کا اعلان ،میچز پاکستان اور سری لنکا میں ہوں گے

لاہور(پاک ترک نیوز) ایشین کرکٹ کونسل (اے سی سی )نے ایشیا کپ کا اعلان کردیا، میچز ہائبرڈ ماڈل کے تحت پاکستان اور سری لنکا میں ہوں گے۔
ایشیا کپ کا انعقاد 31اگست سے 17ستمبر تک لاہور اور سری لنکا میں ہوگا۔ایشین کرکٹ کونسل نے پاکستان کرکٹ بورڈ کی تجویز مان لی ہے۔
ابتدائی چار میچز لاہور میں کھیلےجائیں گے۔اس ایونٹ میں پاکستان، بھارت، سری لنکا، بنگلہ دیش، افغانستان اور نیپال کی ٹیمیں شریک ہوں گی، ایشیا کپ میں مجموعی طورپر تیرہ میچز ہوں گے ۔
فائنل سمیت نو میچز کی میزبانی سری لنکا کرے گا
یاد رہے کہ بھارت کے پاکستان آنے سے انکار کے بعد پی سی بی نے دو مقامات پر ایشیا کپ میزبانی کرنے کی تجویز دی تھی کہ بھارت نیوٹرل مقام پر اپنے میچز کھیل لے۔