بابراعظم کی لنکا پریمیئر لیگ میں سنچری ،میچ بھی جیت لیا

پالیکیے(پاک ترک نیوز) قومی کرکٹ ٹیم کے کپتان بابراعظم کی لنکا پریمیئر لیگ کے میچ میں سنچری ،میچ بھی جیت لیا ۔
تفصیلات کے مطابق قومی ٹیم کے کپتان بابراعظم نے لنکا پریمیئر لیگ میں کولمبو سٹرائیکٹر کی جانب سے کھیلتے ہوئے گال ٹائٹننز کیخلاف سنچری جڑ دی ۔ انہوں نے 59گیندوں پر 104رنز بنائے ۔
سری لنکا میں جاری لنکا پریمیئر لیگ کے دسویں میچ میں کولمبو سٹرائیکر نے گال ٹائیٹنزکیخلاف ٹاس جیت کر پہلے فیلڈنگ کا فیصلہ کیا ۔
گال نے پہلے کھیلتے ہوئے مقررہ بیس اوورز میں 3وکٹوں کے نقصان پر 188رنز بنائے ۔ٹم سیفیرڈ نے 51جبکہ ڈینیل 49رنز بنائے ۔
کولمبو سٹرائیکر کی جانب سے نسیم شاہ،مینڈس اور لکشن نے ایک ایک کھلاڑی کو آئوٹ کیا۔
کولمبو نے مقررہ ہدف تین وکٹوں کے نقصان پر ایک گیند قبل حاصل کرلیا ۔بابر اعظم نے 104،نشاناکا نے 54جبکہ فرنینڈو نے 8رنز بنائے ۔