چیمپئینز ٹرافی؛ آئی سی سی کے پچ کنسلٹنٹ 3 روزہ دورے پر پاکستان پہنچ گئے
کراچی (پاکترک نیوز) انٹرنیشنل کرکٹ کونسل (آئی سی سی) کے پچ کنسلٹنٹ اینڈی ایٹکنسن پاکستان میں ہونے والی چیمپئنز ٹرافی 2025 سے قبل انتظامات کا جائزہ لینے پاکستان پہنچ گئے۔
تفصیلات کے مطابق آئی سی سی کے پچ کنسلٹنٹ اینڈی ایٹکنسن تین روزہ دورے پر پاکستان پہنچ گئے۔ جہاں وہ انہوں نے نیشنل اسٹیڈیم کراچی میں سہولیات کا جائزہ لیا اور مقامی گراؤنڈ اسٹاف کیساتھ اپنا تجربہ شیئر کیا۔
آئی سی سی پچ کنسلٹنٹ ایٹکنسن کراچی کے بعد لاہور اور پھر راولپنڈی کا دورہ کریں گے، جہاں چیمپئینز ٹرافی 2025 کے میچز شیڈول رکھے جائیں گے، گزشتہ ماہ آئی سی سی کی 3 رکنی ٹیم نے وینیوز کا جائزہ لیا تھا۔
واضح رہے کہ ایونٹ فروری 2025 میں پلان کیا گیا ہے اور پی سی بی نے پہلے ہی ڈرافٹ شیڈول آئی سی سی کے ساتھ ان تین مقامات پر میچز کا شیڈول شیئر کرچکا ہے۔8 ٹیموں کا ٹورنامنٹ 2 ہفتوں تک جاری رہنے کی توقع ہے تاہم ابھی تک تاریخوں کا حتمی اعلان نہیں کیا گیا۔