چینی صدر شی جنگ پنگ کی روسی ہم منصب پیوٹن سے ملاقات
بیجنگ (عمیر رانا) چین کے صدر شی جن پنگ نے روس کے صدر ولادیمیر پوتن کے ساتھ بیجنگ کے عظیم عوامی ہال میں بات چیت کی۔
صدر شی نے صدر پیوٹن کے چین کے سرکاری دورے پر گرمجوشی سے خیرمقدم کیا اور اس موقع کی اہمیت پر زور دیا کیونکہ صدر پوٹن اپنی نئی صدارتی مدت کے آغاز کے بعد یہ پہلا غیر ملکی دورہ ہے۔
یہ ملاقات چین اور روس کے درمیان سفارتی تعلقات کی 75 ویں سالگرہ کے موقع پر ان کی شراکت کی تاریخی اہمیت کو اجاگر کرتی ہے۔
دونوں رہنماؤں نے معیشت، تجارت، سرمایہ کاری، توانائی اور عوام سے عوام کے تبادلے سمیت مختلف شعبوں میں تعاون کو مضبوط بنانے کے اپنے عزم کا اعادہ کیا۔
انہوں نے عالمی تزویراتی استحکام اور بین الاقوامی تعلقات میں اپنے تعاون کے مثبت کردار پر زور دیا۔
صدر شی نے دوطرفہ تعلقات کو خوشحال مستقبل کی طرف لے جانے اور نئے تعاون کے منصوبے بنانے کے لیے صدر پوٹن کے ساتھ مل کر کام کرنے کے لیے بے تابی کا اظہار کیا۔