انٹر بینک میں ڈالر 3 روپے 50 پیسے مہنگا ہوگیا
کراچی(پاک ترک نیوز) کاروباری ہفتے کے تیسرے روز انٹر بینک میں ڈالر 3 روپے 50 پیسے مہنگا ہوا ہے۔
تفصیلات کے مطابق کاروباری ہفتے کے تیسرے روز کاروبار کے آغاز پر3 روپے اضافے کے بعد انٹر بینک میں 1 ڈالر 265 روپے کا ہوگیا ہے، گزشتہ روز انٹربینک میں ڈالر 261 روپے 50 پیسے پر بند ہوا تھا۔
اوپن مارکیٹ میں ڈالر کی قیمت میں کوئی رد و بدل نہیں ہوا، اوپن مارکیٹ میں ڈالر 267 روپے پر برقرار ہے۔