اردوان جی۔20اور اقوام متحدہ میں موسمیاتی تبدیلی کے مسائل اجاگر کریں گے

انقرہ (پاک ترک نیوز)
صدر رجب طیب اردوان آئندہ ماہ نئی دہلی میں جی۔20سربراہی اجلاس اور نیویارک میں اقوام متحدہ کی جنرل اسمبلی میں موسمیاتی تبدیلی سے متعلق مسائل اٹھانے کے لیے تیار ہیں۔
صدر ایردوان نے کابینہ کے اجلاس کے بعد گذشتہ شب کہا تھا کہ ہم اپنے شہریوں اور پوری انسانیت کے لیے اپنا فرض ادا کرتے ہوئے ان مسائل کو اپنی ملاقاتوںاور جی۔20سربراہی اجلاس کے علاوہ اقوام متحدہ کی جنرل اسمبلی کے ساتھ شیئر کریں گے، جس میں ہم اگلے ماہ شرکت کریں گے۔
جی۔20 کے رہنماؤں کا 9-10 ستمبر کو ہندوستانی دارالحکومت میں اجلاس ہونے والا ہے جس کاموضوع ایک زمین، ایک خاندان، ایک مستقبل رکھا گیا ہے۔ وہ دوسرے عالمی رہنماؤں کے ساتھ ون آن ون ملاقاتوں میں بھی ماحولیاتی تبدیلی کے معاملات زیر غور لائیں گے۔صدر 22 ستمبر کو اقوام متحدہ کی جنرل اسمبلی کے 78 ویں اجلاس میں بھی ماحولیاتی آلودگی پر روشنی ڈالیں گے۔ترکی 2053 کے خالص صفر اخراج اور سبز ترقی کے اہداف کے ساتھ پیرس موسمیاتی معاہدے میں سب سے اہم شراکت دار ممالک میں شامل ہے۔
انقرہ ایک صاف ستھرا اور سرسبز ترکی کے لیے بہت سے منصوبوں کو نافذ کر کے کام کرتا ہے، بشمول صفر فضلہ کے اقدام۔
2017 میں، خاتون اول ایمن ایردوان کی سرپرستی میں، ترکئی نے موسمیاتی بحران سے لڑنے میں فضلہ کے خاتمے کی اہمیت کو اجاگر کرنے کے لیے صفر فضلہ کے منصوبے کا آغاز کیا۔
اس منصوبے کو بین الاقوامی سطح پر سراہا گیا ہے، اقوام متحدہ کے سربراہ انتونیو گوٹیرس نے گزشتہ ستمبر میں نیویارک میں ایک کانفرنس کے دوران خاتون اول سے اظہار تشکر کیا تھا۔
گزشتہ دسمبر میں، اقوام متحدہ کی جنرل اسمبلی نے متفقہ طور پر ترکی کی طرف سے پیش کردہ صفر فضلہ اقدام پر ایک قرارداد منظور کی، جس میں 30 مارچ کو زیرو ویسٹ کا عالمی دن قرار دیا گیاتھا۔