بھارت جانا سیاسی فیصلہ ہے، حکومت کہے گی تو جائیں گےورنہ نہیں،نجم سیٹھی

لاہور(پاک ترک نیوز) پی سی بی کی مینجمنٹ کمیٹی کے چیئرمین نجم سیٹھی کا کہنا ہے کہ بھارت جانا سیاسی فیصلہ ہے، حکومت کہے گی تو جائیں گےورنہ نہیں۔
ہی سی بی کے سربراہ نجم سیٹھی نے کہا ہے کہ رمیز راجہ کو نہیں روکا جائے گا،وہ کمنٹری پینل کا حصہ بننے تو ضرور آئیں گے۔بابر پاکستان کے اسٹار ہیں ،اگر وہ نہیں تو ٹیم کچھ نہیں ، وہ ہمارے دلوں میں بیٹھا ہمارا بچہ ہے۔
انہوں نے کہا ہے کہ میں نے مکی آرتھر سے خود رابطہ کیا تھاوہ خود ہمیں اچھے کوچز کے نام دے دیں گے۔مکی آرتھر کے معاملے پر میں آپکو اگلے دس دنوں میں مکمل خبر دوں گا۔
نجم سیٹھی کا کہنا ہے کہ بھارت جانے پر میرا پہلے والا موقف ہے ، یہ فیصلہ سیاسی ہوتاہے۔حکومت کہے گی کہ جاؤ تو جائیں گے ورنہ نہیں۔
ان کا کہنا تھا کہ میں سلیکٹرز لگادوں گا پھر ان کی مرضی وہ کیا کریں گے۔ابھی ہم نے عبوری سلیکشن کمیٹی بنائی ہے اس کی کارکردگی دیکھیں گے۔ٹیم اچھی بنے اور وننگ حکمت عملی پر سوچیں یہ پلان ہونا چاہیے۔