جدہ میں موسلا دھاربارش ،متعدد سڑکیں زیر آب

جدہ(پاک ترک نیوز) سعودی شہر جدہ میں طوفانی بارش سے متعدد سڑکیں زیر آب آ گئیں ۔بارش کا پانی کھڑا ہونے سے سڑکوں پر ٹریفک کی روانی بری طرح متاثرہوئی۔
عرب میڈیا کے مطابق گزشتہ رات وقفے وقفے سے ہونے والی موسلا دھار بارش کے باعث متعدد سڑکیں زیر آب آگئیں ۔متعدد انڈرپاسز میں پانی بھر گیا۔
سعودی قومی مرکز برائے موسمیات کا کہنا ہے کہ جدہ اور بحرہ میں گزشتہ شب ہونے والی بارش کا سلسلہ جمعہ تک جاری رہنے کاامکان ہے۔ شاہراہوں پرسفرکرنے والے خصوصی احتیاطی تدابیر اختیار کریں اورانتہائی ضرورت کے بغیر گھر سے نہ نکلیں۔
شہری دفاع کے محکمہ کی جانب سے احتیاطی اقدامات کے طور پرانڈرپاسز کے باہر خصوصی کشتیاں بھی کھڑی کی گئیں تاکہ کسی بھی ہنگامی صورتحال سے بروقت نمٹا جاسکے۔
طوفانی بارش کے باعث پروازوں کی آمد و رفت بھی متاثرہوئی جس سے مسافروں کو پریشانی کا سامنا کرنا پڑا۔