عمران خان لاہور سے اسلام آباد روانہ

لاہور (پاک ترک نیوز) سابق وزیراعظم اور پاکستان تحریک انصاف کے چیئرمین عمران خان مختلف کیسز میں پیشی کیلئے لاہور سے اسلام آباد روانہ ہو گئے ۔
چیئرمین پی ٹی آئی نیب اور اسلام آباد ہائی کورٹ میں پیش ہوں گے، سابق وزیراعظم زمان پارک لاہور سے اسلام آباد کیلئے روانہ ہوگئے۔
عمران خان زمان پارک لاہور سے سخت سکیورٹی میں اسلام آباد کیلئے روانہ ہوئے، عمران خان کے ہمراہ ایلیٹ فورس کی سکیورٹی بھی موجود ہوگی۔
پی ٹی آئی چیئرمین عمران خان کے ہمراہ ان کے وکلاء کی ٹیم بھی اسلام آباد ہائیکورٹ جائے گی۔
پاکستان تحریک انصاف کے چیئرمین عمران خان کی نیشنل کرائم ایجنسی 190 ملین پاؤنڈ سکینڈل میں درخواست ضمانت پر سماعت آج اسلام آباد ہائی کورٹ میں ہو گی۔عمران خان کی اہلیہ بشریٰ بی بی بھی آج 190 ملین پاؤنڈ کیس میں احتساب عدالت میں پیش ہوں گی اور وہ احتساب عدالت میں عبوری ضمانت کی درخواست دائر کریں گی۔
جسٹس میاں گل حسن اورنگزیب کی سربراہی میں ڈویژن بینچ عمران خان کی درخواست ضمانت پر سماعت کرے گا، چیئرمین پی ٹی آئی کی دیگر دو درخواستوں پر بھی سماعت اسلام آباد ہائیکورٹ میں ہوگی۔
عمران خان کی 190 ملین پاؤنڈز کیس میں ضمانت کی درخواست پر سماعت دوپہر 2 بجے ہوگی جبکہ عدلیہ کے ساتھ اظہار یکجہتی پر نکالی گئی ریلی پر درج مقدمہ اور نامعلوم مقدمات میں عمران خان کی عبوری ضمانت کی درخواستوں پر سماعت دوپہر 2 بجکر 30 منٹ پر ہوگی۔
عمران خان کی پیشی کے موقع پر جوڈیشل کمپلیکس میں سکیورٹی کے انتظامات سخت کردیئے گئے ہیں۔